Лондон е првиот град во Европа кој ги вклучи новогодишните светилки

Лондон ги украси улиците и веќе ги запали празничните светилки, со што стана првиот град во Европа што го вклучи новогодишното осветлување. Иако повеќето градови чекаат до крајот на ноември или почетокот на декември, во Лондон пред недели почнаа да се подготвуваат.

Официјалното палење на светилките на улицата Оксфорд, една од најпосетуваните туристички улици во градот, се одржа на 2 ноември.

Светлата наскоро ќе бидат вклучени и во другите делови на Лондон.

На 8 ноември ќе блеснат Карнаби и Ковент Гарден, на 9 ноември улицата Реџент и Св. Џејмс, а потоа и сите други области, улици и плоштади.