Луксузна свадба во Монако: Мелина Џиновиќ повторно застанува на „лудиот камен“ со милионер постар 23 години

Познатата модна креаторка Мелина Џиновиќ, по разводот од пејачот Харис Џиновиќ, повторно стапува во брак – овојпат со богат британски бизнисмен, а свадбата ќе се одржи во гламурозниот Монако.

Според информациите од медиумите, станува збор за вистинска луксузна церемонија која ќе се одржи во Монте Карло, каде што се очекува гости да пристигнуваат со јахти, а дел дури и со хеликоптери, што само ја потврдува ексклузивноста на настанот.

Нејзиниот избраник е британски милионер, кој е постар од неа 23 години, а според дел од информациите, минатата година добил и дете со друга жена, што дополнително го привлече вниманието на јавноста.

Свадбата доаѓа по турбулентниот период во животот на Мелина, која по долги години брак се разведе од Џиновиќ, со кого има и деца. По разделбата, таа ја пронајде љубовта со новиот партнер, со кого веќе извесно време живее токму во Монако.

Дополнително, за да може да се реализира венчавката во оваа престижна дестинација, Мелина морала да исполни и одредени административни услови, меѓу кои и подолг престој во државата, што за неа не претставувало проблем бидејќи таму веќе живее повеќе од една година.

Ова ќе биде нејзин втор брак, а според најавите, свадбата ќе биде еден од најексклузивните настани во регионот оваа година, со присуство на бројни гости од високото друштво и светот на бизнисот и модата.