Малезиски бизнисмен го купи првиот твит за 2,9 милиони долари

Основачот на „Твитер“, Џек Дорси, го продаде на аукција првиот твит за 2,9 милиони долари на малезискиот бизнисмен Сина Естави. Дорси кажа дека ќе ги донира парите во хуманитарни цели. Твитот, Just setting up my twttr, беше објавен на 21 март 2006 година.

„Ова не е само твит. Мислам дека за неколку години луѓето ќе ја сфатат неговата вистинска вредност. Тој е како ‘Мона Лиза‘“, изјави Естави.

Тој го купи твитот со криптовалутата етер, која е ривал на биткоин. Твитот е продаден во форма на криптографски токен (НФТ), уникатен дигитален сертификат кој покажува кој е сопственик на видео, фотографија или некоја друга форма на онлајн медиум. Тој ќе остане јавно видлив и по продажбата, а Естави ќе добие сертификат дигитално потпишан и верифициран од Дорси.