Мерлин Месон доби казна откако призна дека му дувал нос во лице на снимател на концерт во Њу Хемпшир

Американскиот музичар Мерлин Менсон осуден е на 20 часа општествено корисна работа и парична казна откако призна дека му дувал нос во лице на снимател на концерт во Њу Хемпшир во 2019 година.

Менсон, чие вистинско име е Брајан Ворнер, беше обвинет по две прекршочни точки и го призна само обвинението за дување нос во договорот за признавање на вината со обвинителите. Обвинителите го отфрлија второто обвинение, во кое се тврди дека Менсон го плукнал камерманот, јавува Асошиетед прес.

Пејачот беше казнет со нешто повеќе од 1.400 долари, а судијата се согласи да му дозволи на Менсон да ја отслужи казната со општествено корисна работа во Калифорнија. Менсон мора да обезбеди доказ за својата општествено корисна работа до 4 февруари. Како што потсетува АП, Менсон е обвинет за две точки за напад на камерманката Сузан Фонтејн, кога тој и пришол на сцената, го ставил лицето кон камерата што ја држела и двапати го дувнал со носот врз неа.

Сузан Фонтејн изјави дека тоа е „најодвратното нешто што може да го направи едно човечко суштество“. Менсон се појави на судењето облечен во црн костум и темни очила за сонце. Обвинителот Ендрју Ливерноа рече дека тоа е негов прв прекршок и дека немал претходно досие.

Фонтејн не беше присутна на судењето. Менсон првично се изјасни за невин во 2021 година, а неговиот адвокат тогаш рече дека методот на снимање што го користел камерманот обично ги изложува камерманите на „случаен контакт со телесни течности“.

Менсон се прослави во средината на 1990-тите, исто толку за јавните контроверзии, како и за хит песни како „The Beautiful People“ и хит албуми како „Antichrist Superstar“ од 1996 година и „Mechanical Animals“ од 1998 година. Неколку жени го тужеа Менсон во последниве години за сексуална и други злоупотреби. Повеќето од обвиненијата се отфрлени или решени, вклучително и тужбата поднесена од актерката Есме Бјанко од „Игра на тронови“.