Немаа разбирање за тенисот па го избркаа, мајката на Новак Ѓоковиќ откри зошто не го заврши средното школо

Најдобриот светски тенисер Новак Ѓоковиќ бил избркан од средно школо, откри мајка му Дијана во подкастот „Sportlight“. Рече дека син ѝ бил запишан во спортска гимназија ѝ дека морала да оди на дисциплинска комисија и да објасни дека тренира тенис и дека не може да присуствува на часови.

„Немаа разбирање, па морав да одам да се објаснувам. Ме оцрнија и мене и на крајот беше избркан, односно отпишан. Не успејаа да му ја дадат потребната поддршка“, рече Дијана.

Претходно бил ученик во Основното училиште „Бора Станковиќ“ во белградската населба Бањица. На 7 години, тој изјавил дека целта му е да биде прв во светот во тенисот, а видеото ја заобиколи целата планета и ден денес луѓето со уживање го гледаат.

Татко му и мајка му кои и самите биле спортски ориентирани, го поддржале и го препознале талентот, па кога имал 12 години, го запишале на тениската акадамија „Никола Пилиќ“. На 16 години, Ноле станал професионален тренер. Браќата Марко и Ѓорѓе, исто се занимавале со тенис.

Во истото спортско училиште одела и сега неговата сопруга Јелена, која тренирала атлетика. Се запишала на факултет во Италија, а докторирала менаџментот. Работат на себе и се трудат да учат нови работи, а бројните патувања и контакти со различни луѓе им помагаат во тоа.