пред 2 години „Да си го луфтирам“, беше одговорот на холивудскиот актер Бред Пит на новинарското прашање зошто се одлучил за здолниште на премеирата на филмот „Bullet Train“.
Новинарите на Саки њуз го прашаа Пит да го коментира својот изглед во здолниште, на што холивудскиот актер се пошегува дека здолништето им го препорачува на мажите во Британија доколку сакаат да ја задржат ладнокрвноста, алудирајќи на неподносливата топлина во последните денови.
Филмот во кој глуми Бред Пит е акциона комедија трилер во режија на Дејвид Лич, напишан од Зак Олкиевич. Заснован е на истоимениот роман на Котар Исака.
Холивудскиот актер изјави дека во време на пандемија, сценариото на неговиот нов филм го испорачува потребниот хумор.
Во филмот играат Бред Пит, Џои Кинг, Арон Тејлор Џонсон, Брајан Тајри Хенри, Ендрју Који, Хиројуки Санада, Мајкл Шенон, Зази Битс, Логан Лерман, Карен Фукухара, Маси Ока и Сандра Булок.
Интересно е што додека работел на овој филм, Пит повторно се сретнал со Дејвид Лич, со кој претходно соработувал. Лич сега е успешен режисер на некои од најголемите акциони наслови во последниве години.
