пред 1 година „Би-би-си“, кој е домаќин на 67. Евровизија, објави први фотографии од сцената во Ливерпул. На оваа сцена во мај ќе настапат 38 земји-учеснички. Сценограф е Хулио Химеде, кој откри дека го засновал својот сценски дизајн на принципите за заедништво, славење и заедница.
„Архитектурата е инспирација од широката прегратка, отворајќи ги рацете кон Украина, изведувачите на шоуто и гостите од целиот свет. Се фокусирав на културните аспекти и сличностите меѓу Украина, Обединетото Кралство и конкретно Ливерпул. Од музика, танц и уметност до архитектура и поезија“, рекол Химеде за „Би-би-си“.
Хулио додал дека негова должност како дизајнер била да ги подобри изведбите на пејачите преку привлечен визуелен пејзаж, но истовремено да ги долови срцето и душата на Евросонг.
Сцената е поставена на 450 квадратни метри, но обединува уште 220 квадратни метри видео екрани кои независно се движат и се вртат, како и преку 700 видео плочки интегрирани во подот и повеќе од 1500 метри ЛЕД светилки.
„Сакавме сценографија што луѓето ќе ја паметат со години. Многу ни е важно делегациите да имаат најголем можен простор за работа. Сакавме да им дадеме сет што има многу опции за поставување“, рекол Ендру Картмел, извршен продуцент на натпреварувањето.
Би можело да ве интересира
Странски инвеститор заинтересиран да го купи Вардар
Бредли Купер нема да дојде на премиерата на неговиот нов филм „Маестро“ на филмскиот фестивал во Венеција
Нанетите е племе што живее на минус 50 и патува илјадници километри секоја година
На пејачката Роберта Флек ѝ е дијагностицирана неизлечлива болест
Сè повеќе градови ги откажуваат новогодишните прослави, но ќе има огномет над Дубаи и Сиднеј
Интимна ноќ на отварањето на Танц Фест вистинско освежување во пандемијата
