Оригинален рецепт за пинџур – Reporter.mk

Покрај ајварот и лутеницата, пинџурот е зимница без која не можеме да ја замислиме зимата. Тоа е јадење кое е изворно наше, македонско, а рецептот за кратко се рашири низ целиот Балкан.

• 1,5 кг. печени пиперки
• 800 гр. печени домати
• 400 мл. густ сок од домат
• 50 гр. лук
• 3-4 дл. масло
• 40 гр. сол
• 1 лажица шеќер
• 1 лажица оцет
• 2 лути пиперки (по желба)

Подготовка:

Испечете ги доматите и пиперките, а потоа излупете ги. Доматите и лук сомелете ги. Пиперките распарчете ги. Доколку ви е полесно, пиперките можете да ги сомелете наместо да ги распарчувате.

Во тенџере загрејте масло, па додадете ги пиперките.

Пржете ги околу 15-тина минути, а потоа додадете домати и постепено додадете домати. Оставете да крчка на ниска температура околу половина час.

Задолжително често мешајте, затоа што доматот многу се лепи. На крај додадете сол, шеќер и оцет. Оставете да се вари уште некоја минута, а потоа истурете ја смесата во стерилизирани тегли. Оставете да се олади.