пред 3 години Горан Пандев вчера го постигна првиот гол на Македонија на Европските првенства, а во исто време стана вториот највозрасен стрелец во историјата што некогаш се натпреварувал.
Пандев го даде израмнувачкиот гол на средбата со Австрија на возраст од 37 години и 321 ден, пред Македонија да изгуби со 1:3.
Рекордер останува поранешниот австриски репрезентативец Ивица Вастиќ, кој на Европското првенство во 2008 ја затресе мрежата на Полска кога имаше 38 години и 257 дена.
Овој погодок е уште еден историски момент во придонесот на Пандев за македонскиот фудбал. УЕФА на Твитер потсети дека Пандев дебитираше на европските првенства точно 20 години од неговиот прв настап за македонската репрезентација, што се случи во јуни 2001, на дуелот против Турција во квалификациите за Светското првенство во Јапонија и Јужна Кореја.
Пандев вчера го одигра 120. натпревар и го постигна 38. гол во националниот дрес.
Би можело да ве интересира
(Видео) Игор Џамбазов и Гуру Харе го промовираа спотот за „Заветна“ која супер звучи и во блуз
(Видео) Кание Вест на концерт побара од Ким да му се врати
Бритни се сврши со 12 години помладиот дечко откако татко ѝ се откажа од старателството
Оскаровката Ема Стоун е новата Круела де Вил
„Врба“ на Манчевски ќе игра во кината во САД
(Видео) Кајли Миног објави диско албум со песни за шизење
