Пиењето чаша пиво секој ден има придобивки за организмот

Има многу причини зошто лекарите не препорачуваат консумирање алкохол. Како што објаснуваат, алкохолот може да влијае на хормоните и е поврзан со срцеви заболувања и висок крвен притисок. Исто така, прекумерното пиење е генерално многу лоша идеја. Самото читање за тоа што се случува со вашиот црн дроб кога ќе престанете да пиете може да ве инспирира никогаш повеќе да не пиете алкохол.

Сепак, некои истражувања покажаа дека повременото консумирање на одредени алкохолни пијалоци може да има одредени придобивки, а Хаиме Статис, колумнист и автор на порталот „Д хелти“, одлучи да ја тестира таа теорија. Имено, таа една недела пиела по една чаша пиво секој ден и потоа ги открила промените кои ги забележала во своето тело.

Веќе првиот ден забележала промени во апетитот. Како што објаснила, не била толку гладна, но се чувствувала многу посита и подолго отколку во деновите кога не пиела пиво. „Покрај тоа, чувствував многу надуеност, со што претходно немав проблеми“, открила Статис.

Исто така, почувствувала зголемен замор кој се појавил многу порано од вообичаено. Како што објаснуваат експертите, поентата е дека алкохолот е еден вид седатив, па го зголемува заморот, а седацијата често завршува во незгодно време и предизвикува будност сред ноќ. На овој начин, човечкото тело се обидува да се „бори“ против седацијата од алкохолот неколку часа подоцна со зголемување на компензаторното ниво на хормоните на стрес, како што се кортизолот и епинефринот.