Почина Барби Кели, пејачката од популарниот бенд „Кели фемили“

Барби Кели, членка на популарниот ирски бенд „Кели фемили“, почина во 46. година по кратко боледување.

„Нашата сакана сестра Барби почина пред неколку дена. Тажни сме и бескрајно ќе ни недостига, секогаш ќе ја носиме во срцето. Им се заблагодаруваме на сите за сочувството и молитвите во овие моменти“, напишаа членовите на нејзиното семејство.

Пред 20 години Барби го напушти бендот и поради ментална болест, се повлече од јавноста. Нејзиниот брат Џими тогаш рече дека сестра му не е добро и дека ѝ треба помош. Според него, големата светска популарност што бендот ја имал и огромниот притисок ја уништиле неговата сестра.

Ирскиот бенд постои од 70-тите години кога имале улични концерти во Европа. Големо пробивање на музичката сцена стигна во 90-тите години. Дури во 1994 година го снимиле хит-албумот Over the Hump, кој браќата и сестрите – Анџела, Педи, Патриција, Мејт, Кејти, Барби, Џон, Џими и Џои ги претворил во големи светски ѕвезди.