По казната од УЕФА, Русија сака да се натпреварува во Азија

Откако УЕФА одлучи да ја казни Русија поради војната во Украина и да ја исфрли од сите фудбалски натпреварувања, тие размислуваат да се натпреваруваат во Азиските лиги.

УЕФА ја казни репрезентацијата на Русија и таа нема право да се натпреварува на Светските и Европски првенства, а суспендирани се и сите руски клубови од меѓународните натпреварувања за наредната сезона.

Сега Фудбалскиот сојуз на Русија отворено размислува да им се приклучи на Азиската фудбалска конфедерација, а тоа го потврди и поранешниот боксер, а сега застапник на Димитриј Пирок за „Мач ТВ“.

„Мислам дека дојде време сериозно да се разгледа опцијата за премин во азиската конфедерација. Не знаеме колку ќе трае забраната за руските клубови и репрезентации, а изостанувањето од меѓународните натпреварувања би било катастрофа за рускиот фудбал“, рече Пирог.

Многумина веруваат дека ова е само притисок врз првиот човек на УЕФА Александар Чеферин да ја спушти топката и да ѝ дозволи репрезентацијата на Русија на есен да се најде на ждрепката за квалификациите за Европското првенство, додека други веруваат дека ова не е блеф и дека Русите навистина сакаат да се приклучат на Азиската лига.

Ако на крајот дојде до промена на конфедерацијата, Русија не би била прва. Австралија поради спортски причини ќе се пресели во Азиската фудбалска федерација и повеќе нема да се натпреварува во Океанија, додека Израел и Казахстан одамна се под чадорот на УЕФА иако територијално не припаѓаат на Европа.

За потсетување, тоа што УЕФА ја казни Русија ѝ помогна на Србија да напредува во Лига Европа и да добие место во тамошното натпреварување, додека првите реакции од Русија биле дека казната и не е толку страшна и дека всушност ова е нешто добро затоа што важи само за период од година дена. Сепак сега полека се менува курсот откако во јавноста се рашири веста за нивно свртување кон Азија и целосно излегување од УЕФА.