пред 10 месеци Во саботата, група планинарите забележале човечки остатоци во областа на планината Балди во Калифорнија за кој се верува дека му припаѓаат на холивудскиот глумец Џулијан Сендс.
Откако ги пронашле веднаш го известиле шерифот на округот Сан Бернардино, соопштија од канцеларијата на шерифот, а пренесе „Си-ен-ен“.
Познатиот британски актер Џулијан Сендс, во јануари исчезна во таа област. Сендс беше да планинари и шетал во дивината на Јужна Калифорнија. Потрагата по него започна откако подолго време се немаше вратено. Беа вклучени десетици припадници на спасувачките сили.
Сепак, поради лошите временски услови и мразот, акцијата беше прекината во период од неколку недели, а потоа продолжи кога условите се подобрија. Беа активирани хеликоптери и дронови, но безуспешно.
Посмртните останки кои сега се пронајдени се испратени на идентификација, а резултатите ќе бидат познати следната недела.
За потсетување, Сендс одигра важни улоги во осумдесеттите години во воениот филм Killing Fields и романтичната драма Room with a View. Често глумеше негативец како што е демонот Ворлок или научникот кој ѝ ги ампутира екстремитетите на девојката во која се заљубува, во филмот „Бокс Хелена“.
Сендс има жена и три деца, а планинарењето му било страст.
Би можело да ве интересира
(Видео) Северина се расплака на концерт во Осиек за синот Александар: кога ме гледа во овие фустани, мисли дека сум Супермен и ќе го спасам светот
(Фото) Џеф Безос страсно ја љуби Лорен Санчез на јахта
Си бевме поддршка во Бејрут, меѓу нас не постои его: манекенките од „Црнокрак“ меѓу најубавите на светските избори за мис
Леброн Џејмс призна дека Лука Дончиќ му е омилен кошаркар
(Видео) Работнички се исплашија кога огромен гуштер им влезе во канцеларија
Од корона почина Зоран Росоманов, сопругот на Невенка Томовска за која е напишана „Македонско девојче“
