пред 3 години Полицијата во Лос Анџелес соопшти дека се пронајдени двата француски булдога на Леди Гага. Тие беа украдени откако крадци пукаа и го ранија Рајан Фишер, мажот што ги шеташе кучињата во близина на домот на пејачката во Малибу. Гага веднаш понуди награда од пола милион долари за тој што ќе ги пронајде.
Кучињата во полициска станица го донела жена, и според првите информации, таа не е поврзана со пукањето ни со кражбата на кучињата. Нејзиниот идентитет и локацијата каде се пронајдени кучињата не се откриваат поради нејзината безбедност и истрагата што е во тек, соопшти полицијата.
Претставникот на Лејди Гага и детективите што работат на случајот отишле во станицата каде што се донесени кучињата, и потврдиле дека тоа се булдозите на пејачката.
Фишер, во кого пукаа крадците, и понатаму е во болница. Тој беше застрелан во градите со четири куршуми. Видеото од нападот врз Фишер се појави во медиумите, а според извори блиски до Гага, таа дала дозвола тоа да се објави, за да помогне побрзо да се пронајдат напаѓачите.
Поп-ѕвездата моментално е во Рим каде снима филм за убиството на Маурицио Гучи и ја игра неговата сопруга која го нарачала убиството.
Би можело да ве интересира
(Видео) Туристи печат јагне среде плажа во Будва
Конечно ќе се разреши мистеријата за потонувањето на Титаник, научниците направија е 3Д снимка
(Видео) Ретка црвена поларна светлина се појави во Финска
Рецепт за норевешки палачинки со компир
Кинескиот Тикток може да стави крај на ерата на „Фејсбук“
Три години затвор за човекот што ја предизвика сообраќајната несреќа во која загина Шабан Шаулиќ
