Тони Зен му подари на Шилегов два албуми, градоначалникот ја предизвика Шекеринска за поддршка на македонските пејачи

Градоначалникот на Град Скопје, Петре Шилегов, денеска се пофали дека на подарок добил два албуми од Тони Зен. Песните го потсетиле на времето кога бил млад и кога во Скопје можеле да се купат само плочи.

Тоа го поттикнало да купи албуми од тројца македонски пејачи и на тој начин да се вклучи во кампањата за да им помогне на музичарите.

„Во деновите кога задолжитено седиме дома, а локалните музичари имаат многу помалку ангажмани, е идеална прилика да ја поддржиме домашна музика и да им помогнеме на овие наши сограѓани“, напиша Шилегов.

Тој се пофали и дека албумите им ги подарил на, Коста Петров, Радмила Шеќеринска и Јани Макрадули и ги предизвика и тие да се вклучат во локалниот музички предизвик, кој се шири на социјалните мрежи, со цел да ги поддржат музичарите во продажбата на нивните албуми.

За потсетување голем број од музичарите беа засегнати од пандемијата со коронавирусот и не можеа да работат и настапуваат речиси цела измината и оваа година, поради мерките кои ги донесе владата.