Финалето на Мундијалот во Катар ќе се игра на златен стадион

Златниот стадион „Лусаил“ во Катар е местото каде што ќе се игра финалето од Мундијалот. Грандиозниот објект е дело на британското архитектонско студио „Фостер+партнерс“.

Овој стадион ќе биде домаќин на десет натпревари од светското првенство. Неговото официјално отворање беше на 9 септември. „Лусаил“ се наоѓа северно од катарската престолнина Доха и може да биде домаќин на 80.000 посетители кои може да седат.

„Нашата амбиција беше да создадеме впечатлива, но едноставна форма, која ќе ја одразува функцијата на зградата, ќе одговара на климата во Катар и ќе ја подобри сцената на настанот“, рекол шефот на „Фостер+партнерс“, Лук Фокс.

Инспирацијата на архитектите била од исламските чинии, како и од локалната архитектура. Стадионот е покриен со кабелски мрежен покрив, кој обезбедува сенка за навивачите и играчите и оваа структурата со дијаметар од 307 метри е една од најголемите што досега биле инсталирани на стадион.

„Лусаил“ е последниот довршен стадион пред почетокот на турнирот на 20 ноември. Финалето ќе се игра на 18 декември.