(Фото) Ана Ивановиќ го честиташе Божиќ: ја покажа и празничната трпеза

Прославената тенисерка Ана Ивановиќ се огласи на социјалните мрежи за да им посака на сите среќен Божиќ, а покажа и како изгледа овој празник во нејзиниот дом.

Убавата Србинка е активна секој ден по разводот од Бастијан Швајнштајгер и стана главна тема и на домашните и на меѓународните медиуми. Нејзиниот „нов живот“, како што многумина го нарекоа, доби сосема нова димензија, а Ана излезе од сето тоа со насмевка и како победник.

„Среќен Божиќ на сите, уживајте во денот со вашето семејство и пријатели! Мир Божји, Христос се роди“, напиша таа во описот на својата објава.

Објавените фотографии ја прикажуваат Ана во совршен празничен стил. Едноставна ролка во најпопуларната боја на оваа сезона – кафеава и потемни фармерки беа нејзиниот избор овој пат, а сето тоа во пакет беше доволно за да го привлече вниманието на голем број луѓе.

Ана Ивановиќ има три сина во бракот со Бастијан Швајнштајгер, а во нејзиниот дом ги слави двата Божиќа поради децата.