ШОК ЗАД ГЛАМУРОТ: Роузи Хантингтон-Вајтли банкротирала, паднала во депресија и една година се борела да застане на нозе

Светската манекенка Роузи Хантингтон-Вајтли откри дека зад гламурозниот живот што јавноста со години го гледала, се криела една од најтешките животни фази – период на депресија, финансиски турбуленции и лична борба која целосно ја променила.

Во искрено интервју, таа признава дека тоа било „едно од најлошите искуства во мојот живот“, објаснувајќи дека ѝ биле потребни цели дванаесет месеци за да се стабилизира. Во тој период работела со психолог, но и се посветила на реновирање на домот заедно со својот партнер, холивудската ѕвезда Џејсон Стејтам, што ѝ помогнало повторно да ја врати контролата врз сопствениот живот.

Проблемите кулминирале по банкротот на банката на инвеститорот поврзан со нејзиниот бренд, кога таа практично ја изгубила контролата врз проектот што го сметала за свој животен сон. Овој удар ја оттурнал од бизнисот и ја принудил да се повлече, но истовремено станал и пресвртна точка во нејзиниот живот. Како што самата вели, токму тогаш научила да поставува граници и да каже „не“, наместо да молчи за да ги задоволи очекувањата на околината.

Роузи отворено зборува и за психолошкиот притисок што доаѓа со јавниот живот, потенцирајќи дека ниту еден успех не вреди ако доаѓа по цена на токсична средина. Таа додава дека растот што произлегува од неуспехот е неспоредлив и дека токму тие тешки моменти ја зацврстиле како личност.

Голема улога во нејзиното закрепнување имал и Стејтам, со кого заедно работеле на уредување на домот – процес што, според неа, ѝ помогнал повторно да почувствува стабилност. „Џејсон има беспрекорен вкус. Ме научи многу за архитектурата и мебелот“, изјавила таа, додавајќи дека нивната врска, и покрај јавниот интерес, се темели на тивка стабилност и поддршка.

Дополнително, животот со светска акциона ѕвезда носи и свои предизвици. „Луѓето полудуваат по Џејсон… понекогаш е вистинска лудост кога одиме по улица“, открива манекенката, потенцирајќи дека токму тој ѝ помага да остане приземјена и фокусирана.

По раѓањето на нивното дете, нејзиниот поглед кон животот целосно се променил. Таа признава дека чувството било како „земјата да ѝ се лизга под нозете“, но токму мајчинството ѝ донело нова стабилност и приоритети. Денес, наместо бизнис амбиции, фокусот го насочува кон семејството и хуманитарната работа, вклучувајќи соработка со фондации во Велика Британија.

Иако на површина изгледа самоуверено, Роузи признава дека анксиозноста често се крие зад таа фасада, особено во моменти кога се чувствува преоптоварено. Таа тоа го поврзува со својата висока чувствителност кон светот околу неа – нешто што, како што вели, е и слабост и сила во исто време.

Нејзината приказна е силен потсетник дека зад совршените фотографии и гламурозниот живот често стојат борби кои јавноста ретко ги гледа – и дека вистинската сила се раѓа токму од тие невидливи битки.