Шпанка помина 500 дена во пештера, првата желба по излегувањето и’ беше туш

Беатриз Фламини, екстремна спортистка од Шпанија излезе на површина откако помина 500 дена во пештера во близина на Гранада на длабочина од 70 метри без контакт со надворешниот свет.

Ова беше експеримент внимателно следен од научниците кои сакаат да научат повеќе за способностите на човечкиот ум и деноноќниот ритам.

Imagine living alone in a cave for 500 days, with no contact with the outside world? Extreme athlete Beatriz Flamini did just that, breaking a world record and pushing the boundaries of the human mind and body. https://t.co/BouzVRXvhP #CaveExplorer #WorldRecordHolder“

— Ossian Shine 🇮🇪 🇪🇺 (@ossianshine) April 14, 2023

Беатриз Фламини, 50-годишна спортистка, планинар и алпинист, го собори светскиот рекорд за време поминато во пештера, тврди нејзиниот тим за поддршка.

Имала 48 години кога се симнала во пештерата, а два родендени прославила сама под земја.

Beatriz Flamini abandona la cueva en la que ha pasado 500 días a 70 metros de profundidad https://t.co/W2XU5eYbgg pic.twitter.com/nXR3eKL9zs

— La Hora de La 1 (@LaHoraTVE) April 14, 2023

Таа го започна својот предизвик на 20 ноември 2021 година.  Медиумското покривање за нејзиното излегување од пештерата беше ограничено. Националниот телевизиски канал TVE ја сними како носи темни очила и ја гушка екипата.

Таа го опиша своето искуство како „одлично, непобедливо“. Новинарите ја прашаа за повеќе детали, па таа одговори: „Молчев година и пол, не разговарав со никој освен со себе“.

„Ја губам рамнотежата, затоа ме држат. Ако ми дозволите да се истуширам, година ипол не сум допрела вода, се гледаме наскоро. Дали е тоа во ред?“, им порача таа на насобраните новинари.