Ѕвездата на Гранд која усмрти пешак нема да оди во притвор

Поранешниот пејач во „Ѕвездите на Гранд“, Махир Петровиќ, кој е осомничен дека на 31 јули во Горњи Вакуф усмртил пешак со „ауди“ и побегнал од местото на несреќата, нема да биде притворен.

Заедно со татко му Ирфан, кој му помогна да ги отстрани трагите, ќе се брани од слобода. Ова го потврдија за порталот „Аваза“ од Обвинителството на Централниот босански кантон.

Во одговорот на Обвинителството на СБК, е наведено дека во моментов тече истрагата и дека не било потребно да се предложи оваа мерка притвор.

„Обвинителството води истражна постапка против М.П. поради сторено кривично дело тешки кривични дела против безбедноста на јавниот сообраќај и неукажување помош на лице повредено во сообраќајна незгода, додека И.П. се товари за кривично дело помагање на сторителот по извршувањето на кривичното дело. Обвинителството во соработка со полицијата обезбеди докази и оцени дека не е потребно да се предложи мерка притвор. Инаку, ставот на судската пракса е дека станува збор за рестриктивна мерка и се применува само во ситуации пропишани со Законот за кривична постапка на Федерацијата Босна и Херцеговина“, стои во соопштението на Обвинителството.

За потсетуваме, на 31 јули годинава во полициската станица Горњи Вакуф, Ускопље во сообраќајна незгода загина пешакот Ј.Б., додека возачот на патничко моторно возило побегнал од местото на несреќата.