Некогашната манекенка и бизнисменка Дунавка Трифуновска ќе се мажи. Веста ни ја потврди нејзинот дечко Ване Цветанов, поранешниот директор на финансова полиција, со кого таа подолго време е во љубoвна врска. Ване за Репортер ни откри дека наскоро ќе има вечавка.
„Согласно Христијанските обичаи, после запросувањето во авион кон Турција, јас и Дунавка закажавме датум за прстенување кој ќе биде во втората половина на февруари. Прстенување е свечен чин кој што се прави во црква и е првиот дел од венчавањето. За останатиот дел од венчавката немаме точен датум, но ќе биде во Хрватска во текот на летото“, ни раскажа за Репортер Ване Цветанов .
За потсетување, тој и Дунавка се некое време во врска, а првпат во јавноста се дозната летоска, кога беа заедно на одмор во Турција. Тогаш Дунавка за нивната љубов рече дека во Ване ја нашла својата сродна душа.
Љ.Владимиров