Џесика Симпсон и музичарот Томас Ајзенхуд првпат забележани заедно во јавност

Џесика Симпсон и музичарот Томас Ајзенхуд, за кои од април се пишува дека се во врска, викендов беа фотографирани заедно на фестивалот на балони во Албукерки, Ново Мексико. Ова е нивно прво заедничко појавување во јавноста откако започнаа гласините за романса.

Двајцата пристигнале во паркот околу 7:30 часот во неделата наутро. Се прошетале меѓу посетителите и направиле селфи фотографии со шарените балони во позадина. Според очевидци, им понудиле и на други посетители да ги фотографираат.

Во еден момент Ајзенхуд ја прегрнал Симпсон околу рамената, а таа ја потпрела главата на него. Очевидци раскажале дека во текот на утрото повеќепати ги виделе како разговараат, се смеат и се фотографираат еден со друг. Ајзенхуд ја фотографирал пејачката и со изгрејсонцето и планините Сандија во позадина.

Гласините за нивната врска се појавија во април. Тогаш извори тврдеа дека Симпсон и музичарот од Нешвил се запознале преку заеднички пријатели и почнале да се гледаат неколку месеци претходно, особено за време на нејзините престои во тој град.

Ова е првата позната врска на Симпсон по разделбата со поранешниот играч на американски фудбал Ерик Џонсон. Пејачката ја потврди разделбата во јануари 2025 година, по десет години брак. Тие имаат три деца — Максвел, Ејс и Бирди.

Симпсон и Џонсон се венчаа во јули 2014 година. Нивниот развод сè уште не е финализиран, а според досегашните информации, продолжуваат заеднички да се грижат за децата.

Ниту Симпсон ниту Ајзенхуд јавно не ја коментирале својата врска, но нивното заедничко појавување во Албукерки повторно го привлече вниманието кон нивната романса.