пред 3 години Со раката ставена врз Библија стара 127 години, Џо БАјден положи заклетва и стана 46 претседател н САД. Библија ја држеше неговата сопруга Џил, додека Бајден пред претседателот на Врховниот суд на САД се колнеше дека ќе ги брани честа и угледот на земјата и ќе се залага за правата на сите жители.
На церемонијата, прва заклетва даде потпретседателка Камала Харис, првата обоена и првата жена потпретседател на САД во историјата.
Претходно, церемонијата на инаугурција ја отвори сенаторката Ејми Клобучар која во говорот рече дека „ова е денот кога нашата демократија ќе се врати и кога Америка ќе се врати. Денес ја славиме првата потпретседателка Камала Харис. Денес сè е можно“, рече таа.
Молитва прочита свештеникот Рој О’Донован, а по него американската химна ја испеа Лејди Гага, која е блиска пријателка на новиот претседател на САД.
На церемонијата присуствуваат поранешните претседатели Џорџ Буш помладиот, Бил Клинтон и Барак Обама, со сопругите, досегашниот потпретседател Мајк Пенс, како и други високи претставници на политичкиот, економскиот и јавниот живот на САД.
Би можело да ве интересира
Архитектот Лука, нова љубов на Тамара
(Видео) Стаорец се шета на плажа додека туристите се сончаат
Три чаши кафе штитат од кардиоваскуларни болести
Журка со огномет за 25. роденден на милионерката Кајли Џенер
„Секој си има различен вкус“, од „Кока-кола“ му одговорија на Роналдо
„Луѓето стварно сакаат да прават скандали“, вели Васил Гарванлиев за обвинувањата дека има бугарско знаме во спотот
