пред 3 години Основачот на Викиликс, Џулијан Асанж доби дозвола да се ожени со својата долгогодишна партнерка Стела Морис во затворот Белмарш, пренесе „Би-би-си“. Тие имаат две деца, за кои Стела неодамна рече дека се зачнати додека живееле во амбасадата на Еквадор во Лондон.
Затворската служба на Белмарш соопшти дека началникот на затворот го испитал барањето за венчавка на Асанж на вообичаен начин. Затворениците имаат право да аплицираат за брак во затвор според Законот за брак од 1983 година и кога ќе бидат одобрени барањата, тие мора да ги покријат сите трошоци за склучување на бракот.
Лани во интервју за „Мејл он Сандеј“, Стела, која е родена во Јужна Африка, откри дека е во врска со Асанж од 2015 година и дека сама се грижи за нивните два сина. Таа рече и дека Асанж го гледал раѓањето на децата преку видео врска, а тие неколку пати го посетиле нивниот татко во амбасадата на Еквадор во Лондон.
Асанж е во затворот Белмарш од 2019 година, кога полицијата го изнесе од амбасадата на Еквадор и го уапси поради кршење на условите за ослободување со кауција.
Би можело да ве интересира
Андријана, Наде, Дани и Ламбе ќе пеат песни од Кире Костов на „Бела ноќ“ во Скопје
Жан Тод на 77 години се ожени си малезиската актерка Мишел Јеох
Вилијам ја нападнал Меган затоа што ја навредила Кејт Мидлтон, откри Хари во мемоарите
(Видео) Потрошиле илјадници долари да докажат дека Земјата е рамна, а само потврдиле дека е округла
Британец е најмладиот маж кој го обиколи светот без пари и спонзори и го сруши Гинисовиот рекорд
Лукашеко се закани, „кој ќе ги допре моите војници ќе остане без рака“
