Адел: Разводот ме направи анксиозна, ме натера да вежбам и да изгубам 100 килограми за две години

Пејачката Адел проговори за својот развод како гостинка во емисијата „Карпул караоке“ со познатиот водител Џејмс Корден. Адел се расплакала додека емотивно зборувала за својот развод додека водиетлот ја теши.

Таа откри дека нејзиното пријателство со Џејмс и неговата сопруга Џулија и помогнало да помине низ тешкиот период по разводот кога заедно заминале на одмор. Таа додала дека репликата во една од нејзините песни, „Јас пијам винова лоза“ е инспирирана од поддршката што ја добила од водителот на шоуто.

„Стихот беше инспириран од разговорот што го имавме јас и ти, а беше на 4 јануари 2020 година и бевме на одмор со децата“, раскажала Адел.

Пејачкатаа го финализираше разводот од Сајмон Конецки во март 2021 година, две години по нивното разделување. Откри дека отишла на семеен одмор со Џејмс, Џулија, нивните три деца и нејзиниот 10-годишен син Ангел.

„Бевме на пат кон дома кога почувствував дека расположението ми се менува. Тоа беше првиот момент кога повторно почнав да се чувствувам добро, а само една година пред тоа го напуштив Сајмон. „Ти, Џулс и децата бевте составен дел од грижата за мене и Ангел“, изјавила Адел.

„Тоа го правиш со хумор, понекогаш само би ми рекол – со среќа со тоа“, додала таа.

Адел објасни дека се обидувала да открие како да му помогне на Џејмс кој и признал дека не е задоволен од неговиот живот во САД и дека неговото признание ја натерало да се чувствува „несигурно“. Пејачката вели дека тогаш се чувствувала и таа многу несигурно, бидејќи видела дека нејзиниот пријател се чувствува така, а тој отсекогаш бил како возрасен.

„И тогаш влегов во студио и неколку недели подоцна, ја напишав песната „Хелоу“ и ја отпеав, ја снимив на мојот телефон и ти ја испратив и се сеќавам дека рече: „Токму така се чувствував“.

Џејмс и рекол дека е фасциниран од тоа како таа успеала да ги преточи сите негови чувства во текстови на песната.

Пејачката во ексклузивното интервју со Опра Винфри изјави дека се срами од разводот. Ѕвездата рече дека се чувствувала како да ја извалкала институцијата брак кога се разделила од сопругот Сајмон Конецки во 2018 година.

Таа додаде дека имала застрашувачки напади на анксиозност по нејзиниот развод, што ја натерало да се впушти во режим на вежбање според кој изгубила речиси 100 килограми за две години.

Адел започна врска со Сајмон Конецки во 2011 година, а нивниот син се роди една година подоцна.

По породувањето, Адел јавно призна дека страдала од постпородилна депресија, анксиозност и напади на паника.