пред 2 месеци Скопското трио My Tear планира на почетокот на следната година низ регионот концертно да го претстави албумот „Кога не се сакаме“, којшто беше објавен кон средината на септември.
Пред сето тоа, ќе одржат концерт на домашен терен, во петок на 6 декември, во Станица 26 во Скопје. „Кога не се сакаме“ е достапен на YouTube, Bandcamp, како и на сите дигитални платформи, а до крајот на годината и на плоча како заедничко издание на независните издавачи Corpus Delicti од Македонија, JaJaJa Records од САД и Pop Depresija од Србија.
My Tear се Дени Крстев (вокал и гитара), Кристијан Лафазановски (тапани) и Ненад Трифуновски (бас). Идејата на бендот е албумот да звучи како модерна варијанта на македонските бендови од осумдесетите како Хаос ин Лаос, Токму така, Падот на Византија, Мизар, Бадмингтонс…
Пред излегувањето на албумот објавени се два сингла – „На старите станици“ и „Истото го сакаш“, кои беа одлично примени во регионот, а на „Кога не се сакаме“ се наоѓаат уште седум песни, меѓу кои и „Овој ден“ од репертоарот на Фонија. Во 2019 година My Tear го објавува својот истоимен албум како дигитално издание и на плоча, а пет години подоцна, добропознатите андерграунд воини и членови на бендовите 21 век, Фонија, ХАХАХА, FxPxOx, Bernays Propaganda се на нова мисија да го дадат својот најдобар концерт досега.
Би можело да ве интересира
Георгина позира во традиционална абаја, фановите ја критикуваат дека го прекршила кодексот на облекување на Саудиска Арабија
Радост е што има кој да ме фотографира кога сум во филм: Дани Димитровска не крие дека е среќна
Хороскоп за 21 јули: Шкорпијата да се посвети на семејството, стрелецот да не се потпира на другите
Бред и Џоли повторно на суд, се скараа за имот вреден 164 милиони долари
Хороскоп за 19 ноември: Лавот ќе ги реши проблемите, бикот е љубоморен
По операцијата, Џоли ѝ подари две зајчиња на Вивиен
