(Видео) Има само 23 години, и го очекува своето четврто дете: Познатата инфлуенсерка ги изненади сите со веста

Германската манекенка и инфлуенсерка Нара Смит (23) го очекува своето четврто дете со сопругот Лаки Блу Смит (27).

Двајцата објавија видео на Инстаграм кое се фокусираше на нејзиното трудничко стомаче, а додадоа и опис:

„Нашето мало изненадување“.

Само пред една година, тие го добија своето трето дете, ќерка, а овој млад пар е во брак од 2020 година.

Нара и Лаки имаат две ќерки и син, а полот на четвртото дете сè уште е непознат.

Која е Нара Смит?

Првпат стана позната на TikTok, каде што објавува детални подготовки на оброци, а за таа пригода често е облечена како за црвен тепих.

Ја следат повеќе од 11 милиони луѓе, а содржината што ја објавува често предизвикува поделени реакции.

Додека некои сметаат дека Нара ја промовира традицијата и моделот на домаќинка од минатото, други се вознемирени од тоа бидејќи мислат дека тоа ја поткопува еманципацијата на жените.

„Јас сум типична девојка. Обожавам да се дотерувам. Ја сакам модата. Понекогаш моите комбинации не се најпрактични, но модата не е секогаш практична. Тоа е она што го правам. Објавувам видеа од себе како готвам за моите деца и сопруг. Навистина не е толку длабоко“, изјави таа еднаш за Харперс Базар.