пред 4 години Руската инвазија врз Украина и спомнувањето на нуклеарно оружје од страна на некои експерти, кај многумина предизвика страв од избивање на Трета светска војна.
Ваквото сценарио беше избегнато неколку пати за време на Студената војна и сите се надеваат дека така ќе остане и во иднина. Но тоа не е нешто во што можеме да бидеме апсолутно сигурни велат експертите.
Има премногу различни полиња на интерес и се појавија голем број на не многу стабилни ликови кои веќе имаат или пак може наскоро да имаат оружје за масовно уништување.
За повеќето експерти кои се занимаваат со историјата на конфликтите, најверојатните кандидати за почеток на Третата светска војна се двата блока.
Од една страна САД, ЕУ и НАТО, а од друга страна Русија и потенцијално Северна Кореја и Кина.
Во принцип, поради деструктивните ефекти од нуклеарното оружје и зрачењето што потоа следува, повеќето од овие земји, иако имаат огромни територии сепак можат да бидат отпишани уште на самиот почеток на војната.
Во зависност од медиумите и соговорниците, во листата на најбезбедни земји во светот во случај на нов голем конфликт се вбројуваат и Данска, Чиле, Австралија, Бутан, Фиџи, Исланд, Швајцарија, Канада и неколку островски држави во Океанија
Данска е тука затоа што припаѓа на Гренланд, кој заедно со Антарктикот е меѓу најмалку населените делови на планетата. Иако студот е проблем како и потенцијалното освојување на крајбрежните делови на островот, експертите се согласуваат дека северниот брег и внатрешноста се безбедни за живот. Експертите се согласни и за Исланд.
Швајцарија е земја околу која се кршат копјата. Нејзината историја на неутралност, богатство и бројни бункери, се главните адути на приврзаниците кои ја сметаат оваа земја за безбедна зона. Но има и такви кои предупредуваат дека во случај на нуклеарна војна, без разлика каде таа ќе се води, на крајот катастрофата ќе ја стигне и оваа богата земја.
Меѓу поголемите проблеми кои би можеле да ја зафатат Швајцарија е снабдувањето со храна.
Да се преселиме малку од Европа во Азија. Малиот Бутан не е заинтересиран за премногу дипломатски односи со остатокот од светот и е земја која секогаш е на врвот на листата на најсреќните земји. Токму затоа за некои е идеалното решение во случај на Трета светска војна.
Иако е блиску до големите сили како што се Индија и Кина, сепак оваа мала земја не е зависна од нив, а жителите донекаде и се навикнати на изолација.
За Канада е проблем само тоа што огромното мнозинство од нејзиното население живее долж границата со САД, каде што се сите нивни поголеми градови.
Чиле како адут ги има Андите кои може да претставуваат некаква заштита. Оваа земја изобилува и со храна и вода, а југот на земјата би обезбедил безбедно засолниште за нејзините жители.
Фиџи, Тувалу и Науру се исто така земји кои би биле погодни за престој за време на нуклеарна војна. Овие островски оази се далеку од местата каде би се одвивала војната. Не можат да се пофалат со минерали или ресурси кои се интересни за големите сили, па ако не ви пречи жешкото време и рибите, тогаш една од овие три земји е идеална за вас.
Сега кога ја поминавме листата на безбедни да видиме кои се небезбедни земји. Најлошите земји во кои можете да бидете во случај на нов светски конфликт се Северна Кореја, Авганистан, Хаити, Ирак, Сирија, Јужен Судан и Јемен.
Веројатно ви е повеќе од јасно зошто е тоа така. Повеќето од овие земји или штотуку излегле од внатрешни конфликти, или пак тие сè уште траат. Сите се меѓу најнесигурните и најсиромашните земји во светот, а во нив цвета и корупцијата.
Граѓаните се оставени сами на себе. И без Трета светска војна, жителите денес во нив немаат доволно храна, вода и лекови и тешко е да се замисли дека ситуацијата наеднаш ќе се подобри.
Би можело да ве интересира
Вечерва е финалето на „Евровизија“: Шведска, Финска и Украина фаворити според обложувалниците
Француско семејство се фрли од седми кат во Швајцарија, истрагата заклучи дека било под силно влијание на теории на заговор
Милчо Манчевски ја доби наградата „Живојин Жика Павловиќ“ на Меѓународниот фестивал за режија во Лесковац
(Видео) Принцот Ендру прво рече дека не ја познава Вирџинија, а сега дека имал секс со неа, но кога била полнолетна
Барди во идеалниот тим од квалификациите за Светско
Германците ја нарекуваат мама, живее под кирија, пие пиво и сама пазари по маркети: Сè за Ангела Меркел
