Водител на „Си-ен-ен“ по 17 години кариера заработи отказ заради непристоен коментар за жените

Водителот на „Си-ен-ен“, Дон Лемон, по 17 години кариера во телевизијата, заработи отказ заради непристоен коментар за жените. Водителот наводно добил отказ по обвинувањата дека ги малтреитрал колешките, а на „Твитер“ објави дека е шокиран од одлуката на медиумската куќа.

„Утрово агентот ме извести дека ми е прекинат договорот со „Си-ен-ен“ и бев шокиран. По 17 години работа мислев дека управата можеше да има малку пристојност и барем лично да ме извести. Ниту во еден момент немав никакво известување дека нема да бидам во можност да продолжам со работата“, рече Дон.

pic.twitter.com/8PyLqvS0d7

— Don Lemon (@donlemon) April 24, 2023

Од „Си-ен-ен“, на „Твитер“ ги демантираа неговите тврдења. Напишаа дека имал можност да се состане со управата, но наместо тоа, тој изјавата ја објавил на „Твитер“.

Don Lemon’s statement about this morning’s events is inaccurate. He was offered an opportunity to meet with management but instead released a statement on Twitter.

— CNN Communications (@CNNPR) April 24, 2023

„Дон засекогаш ќе биде дел од семејството на „Си-ен-ен“ и му се заблагодаруваме за неговиот допринес во изминатите 17 години. Му посакуваме сè најдобро и го поддржуваме во неговите идни достигнувања“, стои во официјалното соопштение на телевизијата.

За потсетување, Лемон долго ја водеше програмата во најгледаниот вечерен термин, а од неодамна беше водител и на емисијата CNN This Morning. Тој се најде на мета на критики кога рече дека на жените постари од 50 години им поминало времето. Гледачите поради овој коментар побараа да биде отпуштен.