пред 3 години Умереното пиење кафе го намалува ризикот од појава на рак на црниот дроб, покажа студија на научниците од Универзитетот во Единбург и Универзитетот во Саутемптон.
Тие ги проучувале медицинските податоци на речиси половина милион здрави луѓе и заклучиле дека пиењето секаков вид кафе го намалува ризикот од развој на хронични заболувања на црниот дроб.
Оливер Кенеди, главен автор на студијата, чии резултати беа објавени во списанието BioMedCentral, вели дека кафето може да биде потенцијално средство за спречување хронични заболувања на црниот дроб.
Луѓето кои консумирале кафе умерено имале 20 проценти помал ризик од развој на замастен црн дроб и 49 проценти помал ризик од смрт од некои хронични заболувања на црниот дроб во споредба со луѓето кои не пиеле кафе.
Но, научниците истакнуваат дека и во овој случај клучна е умереноста.
Истражувањето на тимот на Кенеди сугерира дека најголемата корист за црниот дроб е кога поединецот консумира три до четири шолји кафе дневно.
Тие дошле до овој заклучок со проучување со децении складирани медицински податоци за луѓе со познати навики за консумирање или не на кафе, што ги споредуваат со развојот на хронични заболувања на црниот дроб.
Би можело да ве интересира
(Галерија) Улична храна и многу музика: Скопје три дена живее во духот на светските метрополи
Пике во врска со 12 години помлада студентка
(Видео) Руска политичарка се соблече во бикини и се фрли да си игра во снегот во Сибир на – 20 степени
На мексиканска мисица ѝ се закануваат 50 години затвор, киднапирала девојки и ги воведувала во проституција
Од корона почина Зоран Росоманов, сопругот на Невенка Томовска за која е напишана „Македонско девојче“
Двејн Џонсон се заглави во Порше Тајкан
