Кои земји во Европа ги посетуваат најмалку туристи: објавена е топ 10 листата

Компанијата „Ривиера Травел“ ги анализираше податоците на Евростат и бројките за ноќевања во земјите низ Европа во текот на 2023 година за да утврди кои дестинации имаат најмал број пристигнувања на туристи. На прво место е Луксембург, а потоа следат земјите од регионот Србија, Унгарија и Словенија.

Според нивните податоци, за една година во Луксембург се забележани само 3,4 милиони ноќевања. За полесна споредба ја наведоа Шпанија, која има високо туристичко присуство и бележи неверојатни 484,9 милиони ноќевања низ целата земја. Додека Луксембург има прекрасна природа погодна за пешачење, прекрасни клисури и главен град полн со атракции, оваа мала нација е во сенка на Франција, Германија и Белгија, напиша „Тајм Аут“.

На второ место е Латвија, каде туристите забележале 4,3 милиони ноќевања во 2023 година, а на трето е Естонија со 6,3 милиони.

10 европски дестинации со најмалку посетители:
Луксембург
Латвија
Естонија
Малта
Србија
Словачка
Словенија
Бугарија
Романија
Унгарија