пред 2 години Искористете ја сезоната на модар патлиџан и направете вкусен ручек од овој одличен зеленчук. Наместо да ги пржите во масло, употребете мал трик и направете крцкав ручек во рерна.
Состојки за крцкав модар патлиџан: 450 гр модар патлиџан, 250 гр презла, 70 гр брашно, 30 гр рендан пармезан, 3 супени лажици маслиново масло, 2 големи јајца, 1 лажица мешавина од медитерански зачини сол и бибер по вкус.
Подготовка на крцкави модри патлиџани: Модрите патлиџани исечкајте ги на кришки дебели околу 1 сантиметар. Добро посолете ги и ставете ги во чиста памучна крпа околу половина час. Солта треба да го извлече вишокот вода од модриот патлиџан. Загрејте ја рерната на 220 степени Целзиусови. Во еден сад изматете ги јајцата, во друг ставете го брашното, а во третиот трошките измешани со медитерански зачини, малку бибер и рендан пармезан. Користете памучна крпа за да го исцедите вишокот вода од солените парчиња модар патлиџан. Вака подготвените кришки од модар патлиџан валкајте ги во брашно, јајца, а потоа во смесата со презла. Постапката повторете ја додека не ги потрошите сите состојки. На подмачкан плех ставете ги подготвените модри патлиџани во еден слој и вратете ги во рерна. Печете околу 20 минути додека долниот слој од модар патлиџан не добие крцкава кафеава кора. Превртете ги парчињата и печете уште 10 до 20 минути.
Би можело да ве интересира
Нов тренд за маникир совршен за во есен и зима: дава рафиниран и елегантен изглед
Ми беше страв да се погледнам во огледало, се убив себе си: Наоми Кембел за зависноста од кокаин
Во време на пандемијата заработи милиони, а сега на 11 години ќе се пензионира: Успешната приказна на Пикси Кертис директор на компанија за играчки
(Видео) Планинари достигнаа 7.577 метри на Хималаите со падобран
Откако Шакира го исплука во песна, Пике објави прва фотка со Клара на Инстаграм
Од рак почина актерката Џосара Џинаро
