пред 2 години Писателката Ксенија Николова ја најави промоцијата на нејзиниот роман „Незадоволна“ која излезе на српски јазик за в четврток во Белград. Романот е издаден на македонски, англиски, руски и српски.
Во Македонија романот беше промовиран во 2020 година, за време на короната.
„Јас некако одвнатре можеби и потајно се надевав дека после овој роман ништо нема да биде исто. И не е, навистина не е. Како автор, се соочував и сѐ уште се соочувам со околности кои навистина ретко кога се наклонети кон автори кои доаѓаат од помали земји, а размислуваат интернационално и својата кариера ја дишат и живеат, зашто таа им е живот, а не работа. Едно е сигурно, научив многу нешта и сето тоа најмногу поради тоа што останав многу самокритична и отворена за напредок. Но сепак, повеќе не ми е целта само да издадам нова книга и да ви ја доближам, туку сакам целиот тој процес да биде вистински од самиот почеток, како што е впрочем и процесот на моето создавање на едно дело“, вели Николова.
Таа сподели дека доживува ренесанса на професионално поле, што смета дека тоа е за доброто на сите.
„Новата книга ќе излезе тогаш кога ќе се поклопат коцките, а верувам дека тоа ќе биде наскоро. На крајот на денот, кога ме тапкаат по рамо од самиот почеток, знам дека понатаму низ процесот нема да биде баш така, а кога еден проект, уште од старт, самиот од себе ќе донесе премрежие, знам дека тоа е знак дека доживувам скалило погоре. Јас и вие ќе се дружиме уште долго“, вели писателката.
Таа објаснува дека на последната фотографија која ја објави на Фејсбук е првиот примерок од романот, веднаш откако излегол од печат.
„Го земав во рацете кои толку ми трепереа, што ја скинав првата страница откако го отворив. Ете, тоа било за среќа, а оттогаш, поинаку гледам на пречките во животот“, вели писателката Ксенија Николова.
Би можело да ве интересира
(Видео) Спасена кокошка која заглави на шините на пруга во Мексико
(Видео) Улични кучиња нападнаа четиригодишно дете во Индија, властите без решение за деценискиот проблем
Актерка наплаќа по 50.000 долари за јајце клетка, оти мажи сакале децата да им личат на неа
Судот го одбил барањето на Бред Пит за старателство на неговите деца
Трите хороскопски знаци кои полудуваат од љубомора
Македонија ќе учествува на Детската Евровизија во Париз
