Лејди Гага извиси за Оскарите, ништо од номинација за улогата во „Гучи“

И покрај предвидувањата дека пејачката и актерка Лејди Гага ќе биде номинирана за најдобра актерка на претстојните Оскари, таа остана без номинација.

По премиерата на „Куќата на Гучи“, во која Гага ја игра главната улога – Патриција Реџиани , вдовицата на сопственикот на модната империја Гучи, обожавателите и критичарите предвидуваа дека пејачката и актерката ќе бидат номинирани за најдобра актерка.

Конечната листа на сите номинирани за Оскар е објавена, а може да се каже дека најголемото изненадување е што Лејди Гага отпадна од листата на најдобри актерки. Оскарите наместо неа, ги „бркаат“ Хавиер Бардем, Пенелопе Круз, Никол Кидман, Кирстен Данст, Стивен Спилберг и други ѕвезди.

Сепак, не излезе така. Во 2019 година, Гага беше номинирана за Оскар во две категории – за најдобра женска улога во филмот „Ѕвездата е родена“ и за најдобра кантавторка за оригиналната песна од истиот филм „Shallow“. Таа година Гага со себе го зеде Оскарот за најдобра песна.