пред 3 години Македонските пејачи Омар Џафероски и Драгана Костова беа одлични во новата епизода од „Ѕвездите на Гранд“ и освоија по шест гласа, со што директно се пласираа во третиот круг.
Емисијата што се прикажуваше викендот почна со настапот на Омар, кој ги испеа „Погледи у тами“ и „Лагала нас мала“. Жирито го пофали неговото пеење и му посака да продолжи така и понатаму.
„Заслужени шест гласа“, рече Ана; „Беше одличен“, додаде Марија. Задоволен од настапот на Омар беше и Ѓорѓе Давид, кој е ментор на Омар.
Слични коментари доби и Драгана Костова, чиј ментор е Марија Шерифовиќ. Таа ги испеа „Хајде онда ништа“ и „Моли, моли“ и доби шест гласа од жирито.
„Марија знае дека ова не беше за шест гласа, но ова е втор круг. Имаше многу проблеми во втората песна. Видов дека имаш пет гласа, па не сакав да ти ја расипам среќата, но внимавај со изборот на песни“, ѝ рече Бекута.
Драгана доби пофалби и од Цеца и од Ѓорѓе Давид. „Таа е одличен кандидат и мислам дека нема да имаш проблеми да работиш со неа во иднина“, додаде Давид.
Настапот на Омар почнува на 4:50, a настапот на Драгана на 20:48.
Би можело да ве интересира
Објавена е тајна мапа со локации на кои има скриено богатство во Холандија од Втората светска војна
Хороскоп за 25 ноември: Успешен ден за овенот, рибите се љубоморни
Хороскоп за 17 јуни: За Бикот ова е погоден ден за љубов, а Водолијата ја очекува интересно познанство
Рецепт за колач со бозел, кој се подготвува за 10 минути
Бајага и глумецот Бранко Ѓуриќ ѝ посветија песна на Милена Радуловиќ
Дејвид Бекам ѝ го забрани мобилниот на Викторија
