Највисокото дрво на светот забрането за посета

Највисокото дрво на светот, што се наоѓа во Националниот парк Редвуд во Калифорнија (САД), е забрането за туристи. Посетата на дрвото секвоја високо 116 метри сега е официјално забранета. Управата на паркот објави дека сите посетители кои ќе бидат фатени близу огромното растение може да добијат до шест месеци затвор и парична казна од 5.000 долари.

Инаку, Националниот парк 16 години одбиваше да ја објави локацијата за заштитена. Официјалните лица стравуваат дека премногу посетители би можеле да го оштетат местото и деликатната екологија на околните падини.

Староста на крајбрежната секвоја (sequoia sempervirens) се проценува на 600 до 800 години. Дрвото, наречено Хиперион, според грчкиот титан и бог на небесната светлина, е длабоко во паркот и нема патеки кои водат до него, но неговата интернет-слава го направи честа дестинација за трагачите по возбуда, патеписци, видеоблогери и љубители на природата. Луѓето и интернет-просторот се воодушевени од големината и мистеријата на Хиперион.

Но, посетите на Хиперион се и опасни за посетителите. Областа има ограничен прием за мобилни телефони и слаба покриеност со ГПС, што го отежнува спасувањето на евентуалните изгубени или повредени планинари.