Пармиџано – Reporter.mk

4 модри патлиџани со средна големина
150 гр моцарела
150 гр тврдо сирење
150 гр пармезан
6 домати
1 лажичка босилок
1 чешне лук
4 лажици маслинов зејтин

Подготовка:

1. Модрите патлиџани, откако добро ќе ги измиеме, ги сечеме по должина со дебелина од пола сантиметар. Ги редиме на хартија за печење, малку ги посолуваме и ги попрскуваме со маслинов зејтин. Се печат околу 15 минути на 180 степени, колку да омекнат.
2. Доматите ги лупиме и ги блендираме. На маслинов зејтин ставаме 1 чешне лук колку да ја пушти аромата и ги додаваме доматите. Можете да употребите свежи домати, замрзнати или пелати домати од конзерва. Оставаме сосот да се згусне и додаваме босилок на крајот. Се добива доматен сос околу 400 милилитри.
3. Во плехот најдолу ставаме неколку лажици доматен сос, редиме од модрите патлиџани, врз нив ставаме сечена моцарела и рендан пармезан и некое тврдо сирење. Ставаме од доматниот сос , пак редиме модри патлиџани, пак сирење и така додека се потрошат модрите патлиџани. Јас имав 4 реда од модар патлиџан. Најгоре завршуваме со сирењето.
4. Пармиџаното се запекува околу 20 минути на 180 степени додека да порумени сирењето и да испари течноста. Најдобро е пармиџаното да олади бидејќи така подобро се сечат парчиња. За тврдо сирење употребив наше македонско биено сирење. Не ставајте многу сол на модрите патлиџани бидејќи сирењата се доволно солени.