Почина Никола Матераци креаторот на Ферари Ф 40

Никола Матераци, креаторот на „Ферари Ф-40“ почина на 83 години. Неговото „Ферари Ф40“, е еден од најпосакуваните автомобили во историјата.

Ф-40 беше последниот автомобил направен под надѕор на Енцо Ферари. Дизајнот на каросеријата го направил Леонардо Фиораванти, под водство на Матераци и Пјетра Камарделе.

Матераци потекнува од регионот Силенто, регион во кој автомобилската индустрија не била толку развиена. Кариерата ја почнал како експерт за пресметки во седиштето Ланциа во Торино.

Во кариерата соработувал со бројни влијателни инженери, како Франческо Де Вирџилио, Марио Мецаноте, Франко Роки, Анџело Белеи, Антонио Томаини, Масимо Тамбурини, Паоло Станцани, Марчело Гандини, Серџо Скаљети, Леонардо Фиораванти.

Во 1979 година се вработил во тркачкиот отсек во Ферари, како шеф на дизајнерската/инженерска канцеларија (додека Мауро Форгијери остнал технички директор) поради неговите специјализации за принудна индукција и му помагаше на тимот од сезоната 1980 година.

Бил и главен инженер одговорен за усвојување на турбо моторите во Ферари. Покрај Гордон Мареј, Колина Чепмен, Ерик Бродиј и Керол Шелбиј, Матераци бил еден од најплодните инженерски дизајнери во 70-те, 80-те и 90-те години.

Во 42 годишната кариера, работел на 38 проекти во мотоспортот, суперавтомобилите и мотоциклите.