пред 7 месеци На 8 мај, принцот Хари ќе ја прослави десетгодишнината од меѓународниот спортски настан Invictus Games, кој тој го основал, во лондонската катедрала Свети Павле, за што ќе направи ретка посета на Британија.
Хари живее во Соединетите Држави со сопругата Меган и нивните две деца, а ги започна игрите Invictus во 2014 година. Тоа е меѓународен мултидисциплинарен спортски настан за ранети и болни воени ветерани. Хари помина дел од својата воена кариера како пилот на воен хеликоптер во Авганистан.
Во рамките на црковната служба, принцот Хари ќе им се обрати на насобраните воени ветерани и членови на заедницата Invictus, а соодветен текст ќе прочита британскиот актер Демијан Луис. Организаторите порачаа дека на овој начин „ќе се одбележи декадата во која преку спортот се променија и спасија животи на многу луѓе“.
Откако престана да работи како член на британското кралско семејство во 2020 година, Хари отпатува во Британија само неколку пати. Меѓу другите, тоа беше и погребот на неговата баба, кралицата Елизабета Втора во 2022 година и крунисувањето на татко му во мај 2023 година.
Последен пат беше виден во Британија во февруари оваа година, кога накратко се сретна со својот татко откако монархот објави дека му бил дијагностициран рак. Палатата во петокот соопшти дека кралот Чарлс ќе се врати на своите јавни должности имајќи предвид дека неговото лекување било успешно и дека добро закрепнал.
Би можело да ве интересира
Џек Николсон запустен до непрепознатливост, актерот се појави во јавноста после година и пол
Фудбалски судија почина откако бил погоден со топка во глава
Социјалната мрежа Тик Ток најави сопствена музичка апликација
Најтешко е кога некој зборува за сексуален напад, а никој не му верува, рече Амбер Херд откако изгуби на суд од Џони Деп
Внимавајте што пишувате, „Вибер“ воведува нова опција
Имала секс во тројка за роденденот на сопругот па го оставила за девојката со која биле во кревет
