Режисерката Дина Дума, со „Сестри“ се врати со Специјална награда од чешкиот фестивал „Карлови Вари“

Македонскиот филм „Сестри“ на режисерката Дина Дума, ја осови Специјалната награда од жирито на чешкиот филмски фестивал „Карлови Вари“. „Сестри“ е режисерско деби на младата Дума, која ја освои наградата во програмата „Источно од Западот“.

Филмот ја раскажува приказната за двете тинејџерки, чие пријателство е ставено на тест, откако ќе се соочат со последиците од нивното однесување. Во главните улоги играат Антонија Белазелкоска и Миа Жоро, а филмот се снимаше во 2019 година во Скопје.

Покрај „Сестри“ во конкуренција еа и уште неколку филмови и документарци од Централна и Источна Европа, Балканот и земјите од поранешен СССР, Средниот Исток и Северна Африка.

Гран при во оваа селекција освои филмот „Рус“ на Владимир Мункуев од Јакуцк, Русија. Главен победник на филмскиот фестивал е „Страхиња Бановиќ“ на српскиот режисер Стефан Арсенијевиќ, кој го освои Кристалниот глобус.

Ибрахим Кома ја доби наградата за најдобар актер, а за најдобра кинематографка беше избрана Јелен Станковиќ. Наградата најдобар режисер ја освои Дитрих Бругеман, за „Не“ од Германија.