Сингапур одобри конзумација на 16 видови инсекти, вклучувајќи скакулци и штурци

Сингапур ја одобри конзумацијата на 16 инсекти, вклучувајќи скакулци и штурци, проширувајќи ја својата меѓународно позната кујна.

Сингапурската агенција за храна (SFA) објави дека ќе дозволи увоз на инсекти кои припаѓаат на видови оценети како незагрижувачки за регулаторните тела.

Во соопштението на SFA се додава дека овие инсекти може да се користат за човечка исхрана или како добиточна храна, пишува Independent.

Упатствата за SFA наведуваат дека инсектите мора да се одгледуваат и да не се собираат од дивината, без разлика дали се увезуваат или се произведуваат локално и дека добавувачите мора да се придржуваат до строгите контроли за безбедност на храната.

Агенцијата соопшти дека се потребни „документирани докази“ за да се покаже „дека инсектите се одгледуваат во простории регулирани од надлежниот орган“.

Инсектите се сметаат за деликатес во делови од Африка, Азија, Латинска Америка и Океанија.

Бубачките како што се штурците, скакулците и црвите се богати со протеини, антиоксиданси и минерали, вклучувајќи железо, цинк, бакар и магнезиум.