Скоро цела Македонија под снег: Следи заладување и промена на времето

Снег и на големо заладување на времето е најавено од следниот викенд, кога се очекува значителна промена на временската состојба кај нас. В сабота, на 26 декември се очекуваат  врнежи од дожд и снег на повисоките места и на планините, како и формирање на нова снежна покривка. Во текот на денот во сабота исто така ќе започне да дува северен ветер кој нагло ќе ги спушти температурите на воздухот. Со ова заладување, врнежите од дожд ќе започнат да поминуваат во врнежи од снег и на пониските места, особено во сабота попладне и кон крајот на денот. До сабота навечер и во текот на ноќта кон недела снежна покривка се очекува во најголем дел од Македонија.