пред 2 години
Традиционалниот вевчанки карневал започнува утрото на 13 -ти јануари кога во Василичарските конаци почнуваат да се собираат Василичарите и музичарите.
Оваа година фокусот на музичката програма е на македонската музика. Сашко Гигов – Гиш и пријателите, Венко Серафимовски и Пипл Цепелин, реге бендот Брука, ДНК, Ласт Експедишн, Фиц и Студени нозе грејтес хитс, Баклава, Банда ЕнТопика од Грција, Нино Величковски и Кумановските тамбураши и Перо Бели, ќе настапат на 12 -ти и 13 -ти јануари.
Подготовките се во финална фаза, маските се спремни, или што би рекле вевчанци, суратите, информираат од општина Вевчани. Оваа година Вевчански карневал ќе се одржи под мотото „Спремајте ги суратите“.
„Традицијата стара векови и милениуми продолжува и оваа година, исто како во исконските времиња кога Василичарите од горна и долна маала, покрај традиционалните маски на Глупи Август, Зетот и Невестата и Ѓаволите, во дефилето ги исмеваат и актуелните политички случувања, низ звуците на зурли и тапани и со тоа ги бркаат лошите духови, односно злото, за да ја пречекаме Новата година прочистени и среќни“, изјави градоначалникот Спасе Кочовски.
На пладне маскирани одат на влезот на Вевчани, и од таму започнува Василичарската поворка која почнува да се движи кон центарот на Вевчани. Поворката ја водат маскираните Глупи Август и Ѓавол, кои со специфичните движења и крици прават ред и место за Василичарите, по нив следат музичарите, зетот и невестата, а потоа сите василичари. По Василичарската поворка, зетот и невестата од Горна и Долна Маала ги посетуваат сите домови во Вевчани, посакуваат здравје и бериќет во новата година, а домаќините ги даруваат. Ноќта на 13-ти наспроти 14-ти, се оди на вода во Вевчанските извори. Се верува дека ноќта спроти празникот водата на изворите е света и лековита. Во минатото жителите на сите околни села независно од верата доаѓале на изворите и полнеле од водата.
Би можело да ве интересира
Иџе победи на трката во Словенија ѝ постави нов рекорд
Ана де Армас за снимањето во новиот филм со Кијану Ривс: Целото тело ми е со модринки од него
(Видео) Ацо Пејовиќ го собра цело Скопје, а за гратис билет се правеа и склекови среде „Ист Гејт”
Александар Белов стана татко: Среде настап дознав дека ми се роди ќерката
Божикно цвеќе – како да го негувате за подолго да трае
ДЕА имала докази против синот на Бајден уште во февруари
