Тоневски: Се оспособува патот до Јамиште, потоа следуваат работи кон Шталковица

Во тек се земјени работи за подобрување на состојбата на патот до селото Јамиште во Општина Пробиштип. Како што информира градоначалникот Тони Тоневски, се вршат порамнување на патот и посипување на критичните места, со цел повторно да се обезбедат неговата проодност и функционалност.

Интервенциите се насочени кон деловите што го отежнуваат движењето, за да се создадат подобри услови за пристап до селото и за користење на патниот правец од жителите.

По завршувањето на предвидените работи кон Јамиште, градежните машини ќе бидат пренасочени кон патот до селото Шталковица. На овој правец се планирани расчистување и порамнување, како следна фаза од активностите за оспособување на патните врски до двете села.

Подобрувањето на проодноста е значајно за секојдневното движење на локалното население и за полесен пристап до населените места.