пред 2 години Тренерот на италијанскиот клуб Салернитана, Давиде Никола, беше отпуштен по поразот од Аталанта со 8:2, па за 48 часа челниците на клубот се предомислија и го вратија назад.
Никола потврди дека е повторно тренер на италијанскиот клуб, откако претседателот Данило Јерволина и спортскиот директор Морган де Санктис, не најдоа замена. Се шпекулираше со имињата на Даверсом, Бенитез и Семплицио, но со ниту еден од нив не беше постигнат договор.
„Искрено ме побара претседателот и ми објасни на пријателски начин зошто мораше да ме отпушти по поразот од Аталанта. Јас му се извинив и превземав одговорност за лошата игра која не беше на ниво. Верувам дека тимот може многу повеќе од тоа што го покажа“, рече Никола.
Досега има работено во неколку италијански клубови, но ретко се задржуваше подолго време на клупата. Најмногу фановите го паметат од времето во Бари и Кротоне. Кратко време беше и на клупата на Удинезе, Џенова и Торино. На клупата на Салернитана е од февруари минатата година, со прекин од 48 часа.
Неговата екипа во моментов е на 16 место со 18 бодови, но без победа во последните пет кола и многу е блиску до местата за испаѓање во втората лига.
Би можело да ве интересира
Викенд хороскоп: страст и романса за биковите, нова симпатија за близнаците
Брижит Бардо хоспитализирана на интензивна нега поради проблеми со дишењето
Сопругата на Брус Вилис ги отфрли гласините дека бившата на актерот се преселила во нивниот дом
(Видео) Поради поплавите во Њујок, неизвесен мечот на Новак Ѓоковиќ на Ју-ес опен
Славко Штимац во болница поради компликации од Ковид-19
(Видео) Судија му ги собираше забите на фудбалер на теренот
