(ФОТО) Сите зборуваат за изгледот на Зендеја на премиерата на „Одисеја“: Еве како да го постигнете сјајот на грчка божица

Премиерата на филмот „Одисеја“ не привлече внимание само поради филмот, туку и поради беспрекорниот изглед на Зендеја, кој за кратко време стана една од најкоментираните теми на социјалните мрежи.

Во улогата на божицата Атена, актерката се појави со минималистичка шминка инспирирана од грчката митологија – природно исончан тен, нежно руменило и суптилен сјај што остава впечаток на свежина и здрав изглед.

 

Наместо силно контурирање и впечатлива шминка на очите, Зендеја избра природна убавина која изгледа како да поминала неколку дена на сончевите грчки острови.

Нејзиниот изглед го осмисли познатиот шминкер Ернесто Касиљас, користејќи производи од линијата Prada Beauty. Иако резултатот изгледа совршено, неговата филозофија е изненадувачки едноставна – помалку производи, а повеќе природен сјај.

 

„Шминката е многу минималистичка, речиси како да нема шминка. Фокусот е на исончаната кожа, многу руменило на образите, носот и слепоочниците, како и максимална хидратација и сјај“, објасни Касиљас на Инстаграм.

Тајната започнува со негата на кожата

Според шминкерот, беспрекорниот изглед започнува многу пред нанесувањето на пудрата.

Тој нагласува дека добро негуваната и хидрирана кожа е клучот за природен сјај. Токму затоа тенот на Зендеја изгледа свеж, мазен, длабински хидриран и природен, како штотуку да го измилa лицето.

За подготовка на кожата, Касиљас препорачува хидратантен серум кој веднаш ѝ дава свежина и овозможува шминката совршено да се спои со кожата.

Без тешка шминка на очите

Една од најинтересните карактеристики на овој изглед е тоа што речиси воопшто нема маскара или туш за очи.

Наместо тоа, акцентот е ставен на одморен и свеж изглед на пределот околу очите. За таа цел се користат хидрогел фластери кои ја намалуваат подуеноста, ја хидрираат кожата и прават очите да изгледаат посвежо и поодморено.

Заборавете на тешките пудри

Во овој тренд нема место за тешки и густи пудри.

Наместо нив, се користат лесни тонирани производи кои го изедначуваат тенот, но дозволуваат да се гледаат природната текстура на кожата и пегите.

Целта е кожата да изгледа природно, а не како да е покриена со дебел слој шминка.

Руменилото е главната ѕвезда

Главниот елемент на целиот изглед е руменилото.

Тоа не се нанесува само на образите, туку и преку носот и слепоочниците за да се создаде природен ефект како лицето да било изложено на сонце.

Касиљас користел кремасти и течни руменила кои лесно се спојуваат со кожата, создавајќи нежен, природен ефект без остри линии. Благодарение на нивната лесна текстура, речиси е невозможно да се претера со количината, а бојата останува свежа во текот на целиот ден.

Природни усни наместо силен кармин

Последниот чекор се природно дефинираните усни.

Наместо остро исцртани контури и силни кармини, користена е мека моливче за нежно обликување, кое благо се размачкува со прстите, а потоа се нанесува хидратантен балзам или сјај во природна нијанса.

Резултатот се полни, свежи и природни усни кои совршено се вклопуваат со остатокот од изгледот.

Минимализмот е најголемиот тренд ова лето

Сончево исончаниот тен, природното руменило и речиси незабележливата шминка сè повеќе ги заменуваат тешките гламурозни изгледи.

Дури и за големи филмски премиери, како што покажа Зендеја со своето појавување на „Одисеја“, во фокусот сега се природната убавина, здравиот сјај и свежиот изглед на кожата, инспирирани од естетиката на античките грчки божици.