На 8 декември, во 18 часот, во кафе „Тренд Аеродром“ ќе се одржи промоција на книгата „Скопска животна приказна“. Книгата е сведоштво за животот и љубовта на Кире и Сашка Петрушевски, родителите на актерката Весна Бејби.
„Книгата зборува за една незаборавна повеќедецениска скопска љубов. Приказните на Кире и Сашка се сведоштво за љубовта, почитта и скопскиот шарм на нивната генерација. Огромно задоволство е кога имаме можност да промовираме македонски автори. Задоволството е уште поголемо кога станува збор за една убава животна приказна, напишана толку искрено што личи на расказ кој им го кажуваме на нашите деца, внуци“, велат издавачите на книгата.