Џејми Оливер отвора нов ресторан во Англија

Готвачот Џејми Оливер најави претстојно отворање на нов ресторан во Ковент Гарден, Англија. Веста за овој деловен потфат доаѓа четири години по затворањето на неговиот синџир ресторани поради финансиски проблеми.

Британскиот готвач на социјалните мрежи откри дека е пресреќен што конечно ќе може да ја сподели веста дека во ноември оваа година ќе отвори ресторан и со тоа ќе се врати во британската ресторанска индустрија.

Ресторанот наречен „Џејми Оливер Кетрин Стрит“, на своите гости ќе им понуди мени што ќе ја отслика љубовта на Џејми Оливер за богатата и разновидна британска кујна и ќе работи со малите производители, како што се наведува.

„Сакам улицата Кетрин да биде место каде секој ќе се чувствува добредојден, среќно место за уживање во храната со одлична услуга и вкусна храна“, рекол Џејми.

Оливер, кој се прослави со телевизиското шоу „Гол готвач“ и бројните готвачи, мораше да го затвори својот синџир ресторани Џејми Италијан во 2019 година по речиси една деценија бизнис.

„Во тој финансиски колабс бев тестиран до крај, и сфатив дека кога ти е тешко најважно во животот е да имаш пријатели, семејство и здравје. Бевме одлична екипа во тие осум години, се боревме лавовски до четири, резултатот е ваков на крајот. Не е дека го сакав, но морам да продолжам понатаму“, открил во една прилика за странските медиуми.