пред 4 години Советот на Град Скопје денеска ќе ја одржи 9.вонредна седница на која ќе расправа за доделување финансиска помош (субвенции) за јавните градски претпријатија, во насока на справување со финансиските последици предизвикани од кризата со корона пандемијата.
Со првата одлука, Советот ќе расправа за префрлање финансиски средства, доделени од Буџетот на РСМ, обезбедени со последниот ребаланс, за субвенции на ЈСП „Скопје“ – Скопје, каде се доделува неповратна финансиска помош во износ од 45.000.000 денари.
Советот на Град Скопје ќе расправа за посебни одлуки, каде со средства од Буџетот на Град Скопје, поради потешкотии во работењето предизвикани од кризата со корона пандемијата треба да се доделат субвенции во вкупна вредност од 75.000.000 денари, или 40.000.000 денари за ЈП „Комунална хигиена“, 15.000.000 денари за ЈП „Водовод и канализација“ и 20.000.000 денари за ЈП „Паркови и зеленило“.
Дополнително, Советот ќе расправа и за одлуката за субвенционирање на ЈП „Паркови и зеленило“ за набавка на два система за рана детекција на пожари, за што ќе биде доделена субвенција во износ од 14.160.000 денари.
Би можело да ве интересира
ВМРО-ДПМНЕ: Ребалансот е доказ за лошата политика на СДСМ, долгот ќе се зголемува, а проекти нема
Компанијата Фине – станува FINE HOLDING
СДСМ: Грижата за земјоделците и инвестициите во аграрот продолжуваат
Sport Life донира нови кислородни концентратори за педијатријата во Велес
Битиќи – Џанг Ѕуо: Има многу можности за унапредување на економската соработка со Кина
Работодавачите погодени од кризата ќе добијат помош и за октомври, ноември и декември
