пред 4 години Кевин Дурент официјално се врати на кошаркарските терени. Еден од најдобрите играчи во НБА лигата, минатата сезона ја пропушти поради тешката повреда. Дурент, во финалната серија, во 2019 година, против Торонто, како играч на Голден стејт ја скина Ахиловата тетива.
Дурент, во меѓувреме се пресели во Бруклин Нетс. Изминатата ноќ тој го дебитираше за Бруклин. Дурент од терените отсуствуваше точно 552 дена.
На теренот мина 23 минути, постигна 15 поени (шут 5/12) и забележа по три скока и асистенции.
Бруклин на крајот го добија претсезонскиот дуел со Вашингтон Визардс 119:114.
Во дресот на Вашингтон дебитираше деветтиот пик од драфтот, Дени Авдија. Синот на поранешниот играч на Црвена звезда, Зуфер Авдија, не промаши од поле, мечот го заврши со 15 поени. Авдија постигна три тројки од исто толку обиди и ги погоди трите шута за два поени.
На другите натпревари Сакраменто го победија Портланд 121:106, Детроит беа подобри од Њујорк 99:91, Чикаго славеа над Хјустон 104:91, а Атланата славеа над Орландо 116:107.
